Ti ar Brezhoneg

Ti ar Brezhoneg a zo ul lec'h (an hini nemetañ e Pariz) : evit en em gavout gant brezhonegerien, sellout ouzh filmoù brezhonek, amprestañ levrioù pe gasedoùigoù, evañ ur bannac'h...

Ya 'vat. N'eo ket ret-ret komz ur brezhoneg eus ar c'hentañ. Trawalc'h e vo m'emaoc'h o teskiñ brezhoneg abaoe bloaz pe zaou, peadra da gomz un tammig ha da gompren an darn vrasañ eus ar pezh a vez lavaret gant ar re all

N'eo ket. Posupl eo dont da dTi ar Brezhoneg evit ar wezh kentañ da forzh pe vare eus ar bloavezh (gant ma vo digor, evel-just : na zeuit ket e-pad an hañv nag e-pad ar vakañsoù-skol !).

Netra ebet. Er c'hontrol, bez' e c'hellot amprestañ levrioù, kazetennoù ha kasedoùigoù digant TaB.

Bez' e c'heller komz dre strolladoùigoù pe holl a-gevret, bez' e c'heller lenn, kanañ, selaou sonerezh pe ur brezegenn, h. a.

Tra pe dra, forzh petra. Ar pal nemetañ eo komz brezhoneg, koustet a gousto.

A-benn ur miz bennak e teu un deraouad da gompren gwell-ouzh-gwell ha da gomz aesoc'h. A-hend-all e vez aozet gouelioù (ur wezh ar bloaz da nebeutañ), ur « rallye », prezegennoù, bepred e brezhoneg evel-just.

Bep Lun eus 7e betek 10e d'an abardaez, deuit da sal vras solieradur kentañ ar Mission bretonne Ti ar Vretoned da gemer perzh e abadennoù Ti ar Brezhoneg. Ar reolenn nemeti eo komz brezhoneg hepken, met zoken ma n'oc'h ket evit ober e viot degemeret mat bepred. Aze e kavot ul levraoueg hag ur videaoueg vrezhonek, un davarn, c'hoarioù h. a., ha dreist-holl ho po tu da gomz evit gwir ha d'amprouiñ pegen mat e ouzit ar yezh. Berr-ha-berr : da vevañ e brezhoneg ha da lakaat ar brezhoneg da vevañ.